Agentlik deyil
Avropaya müraciətedirsən? Tək qalma.
Ölkə seçimindən sənədlərin göndərilməsinə qədər müraciətini birlikdə hazırlayırıq. Mən Sədatam. Brnoda yaşayıram, Verifex-in qurucusuyam və Avropa müraciətlərimi əvvəldən sona qədər özüm etmişəm.
1500–2000 AZN yox, 700 AZN · 5 universitetə qədər · hamısından imtina gəlsə 50% geri
Kiməm
Qurucuyam, məsləhət şirkəti deyiləm. İşi də ona görə başqa cür görürəm.
Adım Sədat Nəzərli. Brnoda yaşayıram və Verifex-in qurucusuyam: şirkətlərin yeni müştərilərini beynəlxalq sanksiya siyahıları ilə yoxlayan sistem. Ödəniş edən müştəriləri var.
Ondan əvvəl fintech sahəsində işləmişəm: ödəniş şirkətləri üçün müştəri yoxlama sistemi qurmuşam.
Paralel olaraq Masaryk Universitetində Beynəlxalq Münasibətlər və Avropa Siyasəti oxuyuram. Yəni Avropa müraciət sistemini həm sənəd tərəfindən, həm də içəridən görürəm.
Avropa müraciətlərimi özüm etdim: Litvadan tam təqaüd qazandım, daha 8 universitetdən qəbul aldım. Universitet seçimi, motivasiya məktubu, sənədlər, viza: hamısını. Heç bir agentliyə pul vermədim.
Bu işi də eyni cür görürəm: nə etdiyimi gizlətmədən, nəyi edə bilməyəcəyimi əvvəlcədən deyərək və hər işi vaxtında təhvil verərək.
Müraciət hazırladığım universitetlərdən bəziləri
Müraciət etdiyimiz ölkələr
- Çexiya
- Slovakiya
- Litva
- Latviya
- Estoniya
- Finlandiya
- İsveç
- Norveç
- Danimarka
- İsveçrə
- Avstriya
- Belçika
- Macarıstan
- Birləşmiş Krallıq
Polşa siyahıda yoxdur: tələbə vizası ilə ciddi problemlər var, ona görə oraya müraciət hazırlamıram.
Xidmət
Nə edirəm
- 01
Ölkə və karyera yolu
Hansı ölkə sənin hədəfinə uyğundur və orada məzun olandan sonra nə baş verir: iş icazəsi, qalma imkanı, sahənin real vəziyyəti. Universitet seçməzdən əvvəl bunu danışırıq.
- 02
Universitet və proqram seçimi
Qiymətlərinə, dil səviyyənə və büdcənə uyğun real siyahı. Hansısa universitetdə şansın zəifdirsə, bunu da deyirəm.
- 03
Motivasiya məktubu və CV
Birlikdə yazırıq. Sənin əvəzinə yazmıram, çünki mətn sənin hekayən və sənin sözlərin olmalıdır. Mən struktur verirəm və redaktə edirəm.
- 04
Sənədlər və göndəriş
Hansı sənəd, harada təsdiqlənir, hansı ardıcıllıqla. Formaları doldurub hər universitetə son tarixdən əvvəl göndəririk.
- 05
Təqaüd axtarışı
Profilinə açıq olan təqaüdləri tapıb müraciətini hazırlayırıq. Təqaüd zəmanəti yoxdur. Olan budur: imkanı tapmaq və vaxtında müraciət etmək.
Proses
İlk söhbətdən göndərişə qədər
- 01
Pulsuz ilkin söhbət
Hədəfini, qiymətlərini və büdcəni danışırıq. Sənə kömək edə bilməyəcəyəmsə, elə bu söhbətdə deyirəm.
- 02
Universitet siyahısı
Proqramları araşdırıram, son tarixləri və tələbləri ilə siyahı çıxarıram. Siyahını birlikdə razılaşdırırıq.
- 03
Sənədlər və mətnlər
Sənəd siyahısı, motivasiya məktubu və CV. Mətnləri bir neçə dəfə birlikdə redaktə edirik.
- 04
Müraciətlərin göndərilməsi
Formaları doldururuq, sənədləri yükləyirik. Göndərilən hər müraciətin təsdiqini sənə ötürürəm.
- 05
Cavablar
Cavablar gələndə birlikdə qiymətləndiririk. Qəbuldan sonra viza mərhələsi gəlir, o isə ayrıca paketdir.
Qiymət
Bir paket, bir qiymət
1500–2000700 AZN
Agentliklər eyni iş üçün 1500–2000 AZN alır. Mən 700 AZN alıram, yarıdan da az.
5 universitetə qədər müraciət · hər əlavə universitet +100 AZN
50% işə başlayanda, 50% müraciətlər göndəriləndə
Qiymətə daxil deyil
- Universitetlərin müraciət rüsumları
- Tərcümə və notarial təsdiq
- Tanınma (nostrifikasiya) rüsumları
- Viza və digər rəsmi dövlət xərcləri
Bu xərcləri birbaşa özün ödəyirsən. Pul mənim üzərimdən keçmir.
Əlavə paket
Qəbul gəldi. İş hələ bitmədi.
199.99 AZN
Viza ayrıca prosesdir və burada risk realdır: bir sənəd səhv və ya natamam olsa, viza rədd edilə bilər. Bunu əsas paketə qatmıram. Ayrıca və aydın qiymətlə edirəm.
Paketə daxildir
- Hansı sənəd lazımdır, hansı formada və nə qədər müddətə etibarlı olmalıdır: tam siyahı və yoxlama
- Maliyyə sübutu və sığortanın tələblərə uyğun hazırlanması
- Səfirlik və ya konsulluq müraciəti: randevu, forma və sənəd dəsti
- Müsahibəyə hazırlıq, əgər həmin ölkədə tələb olunursa
- Müraciətdən sonra statusun izlənməsi və əlavə sənəd istənsə, cavabın hazırlanması
İstəsən, bu mərhələni viza şirkətləri ilə də apara bilərsən. Mən sadəcə eyni işi daha ucuz və birbaşa özüm görməyi təklif edirəm.
Viza qərarını dövlət orqanı verir, mən yox. Zəmanət vermirəm. Cavabdeh olduğum şey budur: sənədlər düzgün, tam və vaxtında olsun.
Geri ödəniş
Hamısından imtina gəlsə, 50% geri qaytarıram.
Müraciət etdiyin universitetlərin hamısından imtina cavabı gəlsə, ödədiyin məbləğin 50%-i sənə qayıdır. Şərtlər sadədir:
- Universitet siyahısını birlikdə razılaşdırmışıq.
- Sənədləri vermisən və razılaşdırılmış son tarixlərə riayət etmisən.
- Müraciətləri geri götürməmisən.
Açıq deyim
Qəbul zəmanəti vermirəm. Heç kim verə bilməz.
Qərar məndə deyil
Qəbulu universitet, təqaüdü onu verən təşkilat, vizanı dövlət orqanı həll edir. Bu qərarlara təsir edə bilmərəm.
“100% qəbul” yalandır
Bunu vəd edən ya prosesi bilmir, ya da bilərəkdən yanıldır. Belə vəd eşidəndə ehtiyatlan.
Vəd etdiyim budur
Dürüst qiymətləndirmə, şansın zəif olanda bunu üzünə demək, hər sənədi vaxtında və yerli-yerində hazırlamaq, hər addımı izah etmək.
Suallar
Tez-tez soruşulur
Bakalavr, yoxsa magistratura?
Hər ikisi. Prosesin məntiqi eynidir: proqram seçimi, sənədlər, mətnlər, son tarixlər. Fərqi ilkin söhbətdə sənin halına görə danışırıq.
Hansı ölkələr?
Çexiya, Slovakiya, Litva, Latviya, Estoniya, Finlandiya, İsveç, Norveç, Danimarka, İsveçrə, Avstriya, Belçika, Macarıstan və Birləşmiş Krallıq. Ən yaxşı bildiyim ölkə Çexiyadır, çünki özüm orada yaşayıram. Polşa ilə işləmirəm: tələbə vizası ilə ciddi problemlər var.
Nə qədər vaxt aparır?
Seçdiyin universitetlərin son tarixlərindən asılıdır. İlkin söhbətdə sənin üçün konkret təqvim çıxarırıq. Nə qədər tez başlasaq, seçim imkanın bir o qədər çox olur.
IELTS və ya TOEFL lazımdır?
Əksər universitetlər üçün yox. Duolingo English Test getdikcə daha çox universitetdə qəbul olunur: daha ucuzdur, evdən verilir və nəticəsi tez gəlir. Amma tələb universitetdən universitetə dəyişir. Siyahını hazırlayanda hər biri üçün ayrıca yoxlayırıq ki, boş yerə imtahan verməyəsən.
Motivasiya məktubunu mənim əvəzimə yazırsan?
Xeyr. Birlikdə yazırıq: mən struktur verirəm, sual verirəm, redaktə edirəm, mətn isə sənin qalır. Hazır məktub satan xidmət deyiləm, universitetlər belə mətnləri tanıyır.
Ödəniş necə olur?
İki hissə: işə başlayanda 50%, müraciətlər göndəriləndə qalan 50%. Konkret ödəniş üsulunu ilkin söhbətdə razılaşdırırıq.
Hamısından imtina alsam?
Müraciət etdiyin bütün universitetlərdən imtina gəlsə, ödənişin 50%-ni qaytarıram. Şərt: siyahını birlikdə razılaşdırmışıq, sənədləri vermisən, son tarixlərə riayət etmisən və müraciətləri geri götürməmisən.
Agentlikdən fərqin nədir?
Qiymət və məsuliyyət. Agentliklər eyni iş üçün 1500–2000 AZN alır; mən 700 AZN alıram. Agentliklərdə müraciətini çox vaxt səni heç tanımayan bir operator doldurur. Universitetlə bağlı problemlər də buradan çıxır: yanlış proqram, yarımçıq sənəd, buraxılmış son tarix. Məndə qarşında bir nəfər var, hər sənədi vaxtında və yerli-yerində hazırlayıram, qiymət saytda açıq yazılıb və zəmanət vəd etmirəm.
Əlaqə
Yaz, hansı mərhələdə olduğunu danış.
İlk söhbət pulsuzdur və heç bir öhdəlik yaratmır. WhatsApp ən rahat yoldur.
- WhatsApp[NÖMRƏ]
- E-poçt[email protected]